நம்மாழ்வார்

இன்று நம்மாழ்வார் அவதரித்த திருநாள். உலகமெல்லாம் அவரைக் கொண்டாடி மகிழ்கின்ற நன்னாள். அப்படி உலகெலாம், லக்ஷோபலக்ஷம் பேர்களை அவர் அனுக்ரஹிக்க வேண்டியிருப்பதால், அவரை இந்தத் திருப்புல்லாணியிலாவது கஷ்டப் படுத்த வேண்டாமென்று இங்கு ஒரு விசேஷமும் நடக்கவில்லை. அவரை ஏகாந்தமாக அவர் சந்நிதியிலே, திருக்கதவைக்கூடத் திறக்காமல் , அவரை சிரமப்படுத்தாமல் இருந்துவிட்டோம். அவரோ எப்போதும் ஸ்ரீமந் நாராயணனுடன் நித்யவாசம் செய்பவர், எனவே இன்று ஒரு நாள் ஏன் மங்களாசாசனம் ! அதுவும் வேண்டாம் என்று இருந்து விட்டோம். அவரை எங்கள் பக்கம் திருப்பாமல் இருந்தமையால் உலகின் மற்ற எல்லா பகுதிகளிலும் அவரை நன்றாக அனுபவித்திருப்பார்கள், அவரது திவ்ய கடாக்ஷத்திற்கு பாத்திரமாயிருப்பார்கள் என்ற எங்கள் நல்லெண்ணத்தை பாராட்டுவீர்கள்தானே?